Dr. Magdy Ayoub on LinkedIn: #jobs (2024)

من أسبوعين كتبت بوست عن مديرن الفنادق. و مع الاسف اكتشفت ان من مئات من مديري الفنادق و غيرهم نسخو البوست ده علي الفيسبوك و نسبوه لنفسهم من غير ما يذكرو انهم نقلوه مني او حتي يستأذنو مني. لما عاتبت بعضهم م بالادب اتشتمت و منهم اللي عمل بلوك... برافو عليكم. و دي سقطة تانية تدل علي اخلاق الناس اللي دخلت المجال غلط او بالواسطة.كل يوم بكتشف قد ايه الناس بقت وحشة علشان مصلحتهم.

90

25 Comments

صباح الخير:تعقيبا على الكام بوست اللى فاتو ، أحد الأصدقاء كلمنى امبارح و كنت بنام و بيسألنى عن الفرق بين Amortization , و ال Accrualقولتله الأولى سلفة و لازم نرجعها لصحابها بس بالتقسيط.و الثانية جمعية بتاعة موظفين بنجمعها كل شهر بالنيابة عنهم و اللى يجى دوره بيقبضها.قالى انت بتهزر و لا بتستهزأ بيا؟قولته بهزر طبعا بس هو كدة فعلا و لا لازم يعنى أعقرب لك المعنى علشان تقتنع؟

13

حدث بالفعل:تخيل لما تجمعك الظروف و تقعد مع مدير عام فندق خمس نجوم من اكبر شركات الإدارة في العالم و يحب يجود عليك فيقولك ان ال Menu Engineering تبع قسم ال Maintenance.ده مرار طافح سعادتك.و هو اللي فتح الموضوع مش انا. 😂😂😂

42

27 Comments

السادة العاملين في قطاع الفنادق:بداية انا قاعد في البيت من غير شغل.يعنى مش محسوب على حد فهتكلم براحتى.عارف ان كلامى ممكن يزعل ناس كتير لأنه بمثابة كشف المستور لان شركات الإدارة مش بتحب تفتح المواضيع دى و ان الغالبية العظمى من العاملين في قطاع الفنادق كله اول مرة هيسمعو الكلام ده، علشان كدة كتبت البوست بالعربى ، فأرجو العذر لأنى بجد عاوز افهم السوق بقى ازاى:من أسبوع اتصل بيا أحد المستثمرين و قالى انه يعرف شركة عقارات كبيرة و عندهم عدد من الاراضى و عاوزنى أتواصل مع International Luxury Brand و لكن شرطه الوحيد هو انه يتفق معاهم – من ورا الشركة المالكة – انه ياخد نسبة محددة مدى الحياة مقابل انه يعرفهم بالشركة المالكة و يوقع معاهم عقد إدارة فندقين!* قولتله مفيش الكلام ده في الشركات المحترمة و سياسة بعض الشركات انهم بيصرفو مبلغ محدد و مرة واحدة Finder Fees بيكون حسب عدد غرف الفندق و درجته لان ده قانونى و متعارف عليه و بيكون بعد توقيع العقود و استلام الشركة لـ Technical Fees.- قالى لا انا عاوز نسبة محددة مدى الحياة مش حتى طول مدة التعاقد.* قولتله هل حضرتك شوفت MOU أو LOI لشركات إدارة عالمية و تعرف الفروق بينهم؟- قالى : لا.* قولتله طيب هل حضرتك شوفت Management Contracts أو Franchise Contracts و تعرف إن الشروط و التفاصيل بتختلف من شركة للتانية حسب درجة التصنيف و حجم الفندق؟- قالى: لا. * قولتله طيب حضرتك تعرف International Brand Guidelines أو Brand Specifications؟- قالى: لا* قولتله : من الآخر مفيش الكلام ده في الشركات المحترمة.- قالى أوك هشوف و اكلمك بكره.* زعل و اتقمص و مكلمنيش من وقتها.السؤال هنا:هل فعلا الكلام ده بقى موجود في الشركات الانترناشونال و لا انا اللى معلوماتى قديمة فى الموضوع ده؟؟لان سبق و مستثمر تانى طلب منى بمنتهى الثقة و قالى انه عاوز 50% من Management Fees طول مدة العقد مقابل انه يعرف الشركات بملاك الفنادق! الأستاذ كان عاوز يبقى شريك لشركة الإدارة ببلاش!و سبق برضة احد المسئولين عن اختيار ال Operators لعدد كبير من الفنادق قالى في اجتماع رسمي في وجود أصدقاء مهنة من كذا سنة عاوز نسبة مدى الحياة من Management Fees و هوقع معاك فورا.و مرة واحد طلب منى انه يتعين في الشركة طول مدة العقد و حدد هو المنصب و المرتب و طبعا كان مبلغ كبير جدا و أكبر كمان من مبلغ ال Finder Fees بس عاوز ياخده كل شهر و هو قاعد في البيت. الموجود كتير في السوق انه ياخد 50% من Technical Fees مرة واحدة مقابل انه عمل كام اتصال تليفونى و حدد لشركة الإدارة ميعاد مع الاونر.حجتهم ان شركات إدارة الفنادق مش هتعرف توصل للملاك من غيرهم و ان شركات الادارة هتكسب ملايين كل سنة من ورا التعاقد فمن حقه نسبة من المكسب ده مدى الحياة.لو الكلام ده موجود في الشركات الانترناشونال ( انهم يدفعو نسبة مدى الحياة أو طول مدة التعاقد أو يوظفو الرجل طول مدة التعاقد ) انا ممكن اجيبلهم شغل كتير، لان الناس بتطلب بثقة عجيبة و كأنه حق مكتسب.أرجو الإفادة و تحياتى للجميع.

25

10 Comments

السادة مديرى الفنادق من غير زعل:مينفعش تبقى مدير عام و انت متعرفش تعمل Business Planمينفعش تبقى مدير عام و انت متعرفش تعمل Budgetمينفعش تبقى مدير عام و انت متعرفش تعمل Forecastingمينفعش تبقى مدير عام و انت متعرفش تعمل Projection Planمينفعش تبقى مدير عام و انت متعرفش تعمل Manning Guideمينفعش تبقى مدير عام و انت متعرفش تعمل Market Survey أو حتي SWOT Analysis مينفعش تبقى مدير عام و انت متعرفش تعمل Marketing Planمينفعش تبقى مدير عام و انت متعرفش تعمل Media Planمينفعش تبقى مدير عام و انت متعرفش تعمل Rate Structureمينفعش تبقى مدير عام و انت متعرفش تقرى و تحلل P & L Statementمينفعش تبقى مدير عام و انت معندكش فكرة عن Revenue Managementمينفعش تبقى مدير عام و انت معندكش فكرة عن Quality Controlمينفعش تبقى مدير عام و انت متعرفش يعني ايه HACCP و Food Safety مينفعش تبقى مدير عام و انت معندكش فكرة عن Food Cost و Food Cycleمينفعش تبقى مدير عام و انت معندكش فكرة عن Brandingمينفعش تبقى مدير عام و انت معندكش فكرة عن Business Developmentمينفعش تبقى مدير عام و انت متعرفش تعمل Organization Chart بسيطة.مينفعش تبقى مدير عام و انت متعرفش الفرق بين CAPEX - OPEX مينفعش تبقى مدير عام و انت عمرك ما فتحت موقع OTA و لا تعرف بيشتغل ازاىمينفعش تبقى مدير عام و انت معداش عليك لفظ STR او SynXis و لا تعرف ايه اهميتهم او بيشتغلو ازاى. مينفعش تبقى مدير عام و انت متعرفش يعني ايه MEP أو Low Current مينفعش تبقي مدير عام و انت عمرك ما سمعت عن Leadership او Strategic Planning او Critical Thinkingمينفعش تبقي مدير عام و انت متعرفش New Trends و التطور المذهل اللي بيحصل كل يوم في صناعة الضيافة. مينفعش تبقي مدير عام و انت متعرفش يعني ايه E-Commerce و اهميتها. و القائمة تطول!أقسم بالله انا بشوف ناس و لا تنفع تشتغل في فنادق و ماسكين مناصب ترعب و منهم اللى ماسك اكتر من منصب في نفس الشركة او شغال شغل جنب شغله من ورا شركته. في نفس الوقت اعرف أساتذة و أعلام في المهنة و محترفين و محترمين و تتمني تقعد معاهم علشان تتعلم منهم و قاعدين في البيت من غير شغل علشان الوسايط و المعارف و القرايب و الحبايب.الادارة مش انك تشخط و تزعق للموظفين و تشغلهم جواسيس على بعض و تعيشهم في رعب و تهددهم بالفصل لو مسمعوش كلامك.الإدارة مش انك تلغي بند التدريب بالكامل علشان متسمحش لحد يتعلم و يترقي. الإدارة مش انك تحارب الموظف اللي بيفهم و تقطع عيشه علشان يفضل كل الموجودين تعبانين علشان انت تعرف تتحكم فيهم. مش عيب انك تتعلم طالما ربنا كارمك و شغال و مستورة معاك، لكن عيب تبقى مريض نفسي و منفسن و تكابر و تقول هو بعد ما شاب ودوه الكٌتاب و تفضل زى ما انت و كمان واخد مكان واحد محترم مش لاقى شغل... هيجى يوم و تتكشف لما تشتغل او تعمل انترفيو مع حد فاهم و بيتقى الله و هيبقى شكلك وحش.اللي شغالين في شركات انترناشونال عارفين كويس ان بالواسطة بيتفتح وظيفة محددة علشان شخص محدد يقدم لها و يبعتو له Assessment و ال HR يمليه الاجابات علشان ينجح و يتقبل و باقي الاف السيفيهات اللي بتوصلهم لنفس الوظيفة بتترفض اوتوماتيك، و يبفي كملو الإجراءات علشان مبدأ تكافؤ الفرص الوهمي. الخلاصة انك تلاقي شغل دلوقتي خاصة الوظايف العليا من غير واسطة بقي شبة مستحيل. تحياتى للجميع و ربنا يفرجها علينا جميعا و على كل محتاج.

368

85 Comments

ضروري ان في مرحلة التعليم ما قبل الجامعي يتم تدريس مادة عن تاريخ العالم وثقافات وأديان العالم المختلفة. مهو انت مش هتبقى عايزه يشتغل مبرمج في شركة متعددة الجنسيات فيها صيني وهندي وبوذي وشرقي وغربي وهو لسه متخلف ودماغه صرمة قديمة و معتقد انه احسن منهم عشان ربنا اختاره هو و اهله بالذات دونا عن بقية البشر.

5

1 Comment

https://lnkd.in/dFH7NzyY

https://lnkd.in/dFH7NzyY👇👇👇

Agree. 👇👇👇

7

Attitude in the Corporate World 👇👇👇

3